Systasis 42 (2024)

СОДРЖИНА

DOI на списанието: https://www.doi.org/10.37834/SY2442

СТАТИИ

Марија Тодоровска

Мотивот на паднатите ангели кај Тертулијан(01-20)

Во текстот се анализираат неколку инстанции во кои Тертулијан се повикува на паднатите ангели, следејќи ја приказната за спојувањето на ангелите (синовите божји) и ќерките човечки од кое се народило штетно демонско потомство чија цел е да го уништи човештвото. Првин се претставени неколку примери во кои Тертулијан ја опишува демонската закана, но и предупредува за лековерноста на луѓето, кои самите потпаѓаат под демонски влијанија и запаѓаат во неволји. Потем се прикажани неколку ставови за статусот и моќта на ѓаволот и неговите (демонски) слуги, како и поврзаните идеи за соблазнувањето на човечките жени на инаку невините ангели. Најголем дел од текстот е посветен на проблемот на опасноста од непокриената глава на жената: покажана е аргументацијата на Тертулијан за неопходноста од покривање на главата на сите жени, особено на девиците, поради ситуацијата во која ангелите биле соблазнети од убавите непокриени ќерки човечки, што довело до нивното спојување и катастрофалното произведување зло на земјата; како и ставовите на Тертулијан за грешноста на жената и за опасноста од незаузданата женскост за функционирањето на религиозната заедница и редот на црквата.

DOI:https://www.doi.org/10.37834/SY244201t

Ленче Бумбароска-Радосављевиќ

Едиктот на Галериј ‒ преведувањето како инспирација за меѓупредметна интеграција(21‒39)

Преведувањето на непознати текстови е моќна алатка за учење на латинскиот јазик и историјата на народот што бил негов говорник. Преку преведувањето, учениците и наставникот не само што ги утврдуваат граматичките структури на јазикот туку и се запознаваат со духот и размислувањата на авторот, а преку авторот со народите што го користеле тој јазик. Меѓутоа, самото преведување и разбирање на содржината не е доволен предизвик за средношколците што го изучуваат латинскиот јазик. Потребно е да се осмисли цел процес што ќе трае од одбирањето на текстот, па сè до неговата "промоција" во јавноста. Изборот на текстот треба да биде оригинален. Текстот треба да биде од време богато со интересни настани, по содржина да биде провокативен и по можност да е на кој било начин поврзан со нивната околина или нивните интереси. Уште и ако не е преведен на мајчиниот јазик, преведувањето добива друга димензија во нивните очи. Тоа што тие ќе бидат први што го прочитале и го превеле им дава голема мотивација. Таквиот проект овозможува искуствено збогатување на знаењето. 

Во овој текст ќе бидат опишани и понудени активностите што му претходеа на преведувањето на Галериевиот едикт од 311 година на српски јазик, како и сите информации до коишто дојдовме додека го спроведувавме проектот.

Преведувањето и целокупното истражување траеше од септември 2007 г. до 30 април 2008 г. што е ден кога, според античките извори, во 311 година Едиктот е објавен во Никомедија. Учениците што работеа на преводот беа втора година гимназија. Тие во првата година со два часа неделно ја совладаа морфологијата на латинскиот јазик.

DOI:https://www.doi.org/10.37834/SY2442021br

СТУДЕНТСКИ ТРУДОВИ

Ristevski Nikola

Contemporary obstacles with the old Zeno’s paradoxes(40-54)

This paper investigates the problems posed by Zeno’s well-known paradoxes, or aporias regarding the notions of infinity, continuity and motion, which are still very much relevant today. First, it presents two of Zeno’s paradoxes, Achilles and Arrow, and examines various proposed solutions, from Aristotle’s arguments about these questions to the Standard Solution. It then provides an analysis of the Continuum Hypothesis, identified as a central challenge for the Standard Solution, and offers an exploration of the responses to the Standard Solution to highlight key objections to its underlying concepts. Finally, it offers insights into the methods that can be employed to continue to search for a solution to these paradoxes in the future.

DOI:https://www.doi.org/10.37834/SY2442040r

ПРЕВОДИ

Даниела Тошева

Надгробен говор за Турија (Laudatio Turiae, CIL 6.41062)(55‒71)

DOI:https://www.doi.org/10.37834/SY2442055t

ПРИКАЗИ И КРИТИКА

Ведран Диздаревиќ

Против „двојната уцена“: кон Антигона на Славој Жижек(72‒83)

DOI:https://www.doi.org/10.37834/SY2442072d

Daniela Tosheva

Tom Sapsford, Performing the Kinaidos: Unmanly Men in Ancient Mediterranean Cultures. Oxford University Press, Oxford, 2022.Pp. vi, 231. ISBN 9780198854326(84‒87)

DOI:https://www.doi.org/10.37834/SY2442084t

Elena Džukeska

Inscriptiones Graecae Epiri, Macedoniae, Thraciae, Scythiae. Pars II. Inscriptiones Macedoniae. Fasc. II: Inscriptiones Macedoniae septentrionalis. Sectio 2: Inscriptiones in vallibus fluviorum Axii, Astibi, Strumicae inventae, edid. Slavica Babamova. De Gruyter, Berlin ‒ Boston, 2024. Pp. XIII, 263–554, Tab. LXI–CXXIII et Tab. geographica CXXIV. ISBN 978-3-11-133136-2(88‒89)

DOI:https://www.doi.org/10.37834/SY2442088dz

Весна Димовска-Јањатова

Латински цитати, изреки и фрази, Предговор, избор, превод од латински јазик и коментари Светлана Кочовска-Стевовиќ. ИЛИ-ИЛИ, Скопје, 2023. Стр. 512(90‒93)

DOI:https://www.doi.org/10.37834/SY2442090dj

JSN Epic template designed by JoomlaShine.com